Venjarin hjá Hellas Verona uppsagdur

Um Hellas Verona FC verður nýggja felagið hjá føroyska landsliðsmiðverjanum Andriasi Edmundssyni, so byrjar hann við at fáa nýggjan venjara. 

Hellas Verona hevur í morgun kunngjørt, at høvuðsvenjarin seinasta hálvtannað árið, Paolo Zanetti, er uppsagdur. 

"Vit í gulum og bláum ynskja at takka Zanetti og hansara fólk fyri arbeiðið, ið tey hava lagt í felagið seinastu hálvtannað árið, og vit ynskja teimum alt tað besta á yrkisleið teirra. 

Venjingin í dag, ið møguliga er fyrsti dagurin hjá Andriasi Edmundssyni í Hellas Verona, tekur Paolo Sammarco, ið er ungdómsvenjari í felagnum, sær av, skrivar Hellas Verona á heimasíðuni. 

Tað er eingin loyna, at tað ikki hevur gingið eftir vild hjá Hellas Verona FC hetta kappingarárið. Felagið liggur á aftast í Seria A við 14 stigum eftir 23 dystir. 

Tað eru fýra stig upp til niðurflytingarstrikuna, og seinastu átta dystirnir hava einans givið tvey stig fyri tveir javnleikir, harav ein var móti meistarunum úr Napoli. 

STØÐAN Í SERIA A SÆST HER.

Andrias Edmundsson, Føroyar, Kekkia