SF26: Annika Hoydal spælir á Summarfestivalinum í summar

"Livandi legendan Annika Hoydal spælir stóra og savnandi konsert á Vágsbø, tá ið Summar Festivalurin verður hildin í døgunum frá 6. til 8. august."

Soleiðis skrivar Sumamrfestivalurin á bæði heimasíðu og sosialu miðlunum. 

Annika Hoydal, sum herfyri kundi feira ein 80 ára føðingardag, er ein tann størsta stjørnan í føroyska mentanarlívi yvirhøvur. 

Síðani miðskeiðis í sekstiárunum hevur hon verið sangari, sangskrivari og sjónleikari í Føroyum og uttanlands, og hon er framvegis virkin á føroyska mentanarpallinum.

Annika Hoydal hevur sum solistur og sum partur av Harkaliðnum sungið eina langa røð av sangum, sum eru vorðnir fólkaogn: "Aldan", "Í dans", "15 ár", "Lisa", "Ólavur Riddararós" og fleiri.

Annika Hoydal hevur áður vitjað Summarfestivalin, og einaferð var í 2013. Tá hevði hon Kaj Johannesen, sála, á bassinum og Eyðun Morh Hansen og Jógvan Dahl, sála, á gittarum afturat sær.