Óli og Teis fingu eitt stig í part

Óli Mittún og Teis Horn Rasmussen fingu eitt stig í part, tá føroyingauppgerð var í bestu donsku hondbóltsdeildini í gjár.

GOG tók ímóti Ribe-Esbjerg og dysturin endaði við 30-30 javnleiki.

Óli Mittún skeyt fimm mál upp á átta skotroyndir og legði upp til tvey onnur, meðan føroyski strikuspælarin hjá Ribe-Esbjerg skoraði upp á allar sínar tríggjar kjansir og vann eisini okkurt brotskast.

GOG er á triðja plássi, meðan Ribe-Esbjerg liggja næstniðast í deildini. 

SAH við Jóhan á Plógv Hansen liggja nummar tvey. Teir taptu 26-25 fyri Bjerringbro-Silkeborg í gjár. Føroyski vongurin skeyt seks mál upp á níggju kjansir.

Jana  millum tær bestu

Jana Mittún taldist millum tær bestu hjá Viborg, sum vann stórsigur fyri Bjerringbro FH.

LES EISINI: Størsta stjørnan í 2025

Føroyski bakspælarin, sum júst er kosin Ítróttanavnið 2025 í føroyskum ítrótti, skeyt fýra mál og legði upp til fýra í dystinum, sum endaði 38-29 til Viborg.

Tær grønu eru framvegis á 4. plássi í bestu donsku deildini, men fýra stig eru upp til Nykøbing Falster.