Vilja heldur hava íbúð enn sethús

- Eftirspurningurin eftir íbúðum er sera stórur, og bústaðarmynstrið er í broyting. 

Tað sigur Elsa Berg, borgarstjóri í Tórshavnar kommunu, nú nógv bendir á, at byggimynstrið kring landið broytist.

Áhugin fyri grundøkjum til sethús minkar, meðan eftirspurningurin eftir íbúðum veksur. 

Tøl frá meklarafyritøkuni Skyn fyri nýbygging av bústøðum í Norðoyggjum vísa, at síðani 2021 eru á hvørjum ári bygdar fleiri íbúðir enn sethús.

Í nýggju útstykkingini á Fossum í Klaksvík er nógv størri eftirspurningur eftir íbúðum, og broytta byggimynstrið sæst eisini aftur í Eysturkommunu og Tórshavnar kommunu.  

Hoyr innslag í útvarpstíðindum: 

Sí eisini: Vilja heldur hava íbúðir enn grundstykki í Klaksvík