Landsapotekarin skal avtakast

Embætið sum landsapotekari skal avtakast.

Myndugleikauppgávur landsapotekarans skulu flytast til Apoteksverkið og Heilsustýrið.

Almanna- og Heilsumálaráðið hevur gjørt lógaruppskot um tað og sent tað til hoyringar.

Uppskotið byggir á tilmæli í Ætlanini fyri Fólkaheilsustýrið frá 2021.

Har stendur, at í 2026 verður farið undir at flyta eftirlitsuppgávur hjá landsapotekaranum til  Heilsustýrið.

Og rakstraruppgávurnar hjá landsapotekaranum vera fluttar til Apoteksverkið.

Soleiðis fáa vit eitt meira uttanveltað eftirlit við lógunum um apoteksverkið og heilivág, sigur Almanna- og Heilsumálaráðið.

Og váðin fyri bygnaðarligum áhugamálsstríði verður fyribeindur.

Lógarbroytingin skal koma 1. oktober í ár.