Løgmaður: Ikki skilagott at bjóða tvær tunnilsleiðir út

Aksel V. Johannesen væntar, at sítt uppskot um Djúpadalsleiðina verður endaliga samtykt seinni í dag

Aksel V. Johannesen, løgmaður, fylgir við orðaskiftinum um Suðuroyartunnilin, sum eru til endaliga viðgerð í tinginum í dag.

Mynd: Bjarni Árting Rubeksen

Johnsigurd Johannesen

25.02.2026 - 13:08

- Fakfók siga, at tað er ikki skilagott at bjóða tvær tunnilsleiðir út, tí tað er torført at fáa nakran at bjóða bara upp á aðra farleiðina.

Tað sigur Aksel V. Johannesen, løgmaður, nú eitt broytingaruppskot um at eisini at bjóða sonevndu Múlaleiðina út í sambandi við Suðuroyartunnilin er lagt fram við triðju viðgerð.

Aksel V. Johannesen vísir á, at bara tvær fyritøkur bjóðaðu upp á Eystur- og Sandoyartunnilin.

Løgmaður væntar, at uppskotið um Djúpadalsleiðina verður samtykt, og at úrslitið av atkvøðgreiðsluni við triðju viðgerð í dag fer at líkjast tí, sum var við 2. viðgerð.

Hoyr samrøðu, sum Annika Bolton Mortensen gjørdi við Aksel V. Johannesen í útvarpstíðindunum:

25022026_Logmadur_og_Mulaleidin

Liljan Weihe og Erling Eidesgaard

Liljan Weihe og Erling Eidesgaard skjóta bæði upp eisini at bjóða Múlaleiðina út. (Mynd: Bjarni Árting Rubeksen)

Erling Eidesgaard í Tjóðveldi, sum er millum teirra, ið hava lagt fram broytingaruppskot um eisini at bjóða Múlaleiðina út, sigur, at hetta verður gjørt, soleiðis at løgtingið kann hava besta grundarlagið at taka støðu á, tá farast skal undir at gera Suðuroyartunnilin.

Hoyr samrøðu, sum Sigurjón Einarsson gjørdi við Erling Eidesgaard í útvarpstíðindunum:

125022026_Erling_um_broytingaruppskot