Føroyar á fundi í formansskapinum í Norðurlandaráðnum

Fyri fyrstu ferð hava Føroyar verið á fundi í formansskapinum í Norðurlandaráðnum. 

Fundurin var í Roskilde mánadagin og týsdagin.

1. januar 2026 var arbeiðssetningurin hjá Norðurlandaráðnum broyttur soleiðis, at Føroyar, Grønland og Áland hava ein sess hvør í formansskapinum. 

Johan Dahl, løgtingsmaður, hevur føroyska sessin í ár.

Føroyska sendinevndin í Norðurlandaráðnum kom í fjør við uppskoti um at styrkja norðurlendska tilbúgving og veitingartrygd. 

Formansskapurin í Norðurlandaráðnum hevur avgjørt at gera hetta uppskotið til tilráðing til limirnir í Norðurlandaráðnum at atkvøða um.