Aaja Chemnitz stillar ikki uppaftur

Aaja Chemnitz kunngjørdi longu í gjár, at hon stillar ikki upp til fólkatingsvalið 24. mars.

Hon hevur verið í fólkatinginum fyri Grønland síðani 2015.

Aaja Chemnitz fekk 4.296 atkvøður á fólkatingsvalinum í 2022.

Hon sigur, at nú hevur hon valt seg sjálva. Hon ætlar at brúka orkuna til okkurt annað, sigur hon.

Aaja Chemnitz vil ikki siga, um hon gevst heilt í politikki.

Hon er ikki í landstinginum nú.