Einki regluverk á hesum sinni

Millum málini, sum nú detta burtur, er uppskotið hjá Ruth Vang, landsstýriskvinnu, um fíggjarpolitiskt regluverk.

Uppskotið var í fíggjarnevndini, sum skuldi koma við áliti 28. februar.

Uppskotið er at broyta lógina um landsins játtanarskipan.

Hámark skal setast fyri vøkstri í rakstrarútreiðslum hjá landinum.

Uppskotið sigur, at rakstrarútreiðslurnar ikki kunnu vera meira enn eitt prosent størri enn tær vóru í undanfarna ári.

Og tað er eftir, at útreiðslurnar eru framroknaðar við lønarvøkstrinum.

Eisini eru í uppskotinum avmarkingar um, hvussu inntøkubroytingar kunnu fíggjast, og hvussu nógvar íløgur, landið kann gera.