Trý valevni til Stiftsstjórnina og sjey til Próstadømisráðið

Tríggir menn stilla upp til ein sess á valinum til Stiftsstjórnina.

Teir eru Asbjørn Mikkelsen á Skála, Jens Jensen í Tjørnuvík og Jónheðin H. Tróndheim á Argjum.

Í Stiftsstjórnini eru annars biskupur, sum er fastur formaður, og eitt fólk, sum landsstýrisfólkið tilnevnir.

Kirkjuráðslimir velja triðja limin.

Sjey stilla upp

Í Próstadømisráðið skulu kirkjuráðini velja fýra limir.

Sjey fólk stilla upp.

Tey eru Alis Højsted í Funningi, Dagbjørt Ólavsdóttir Hansen í Norðragøtu, Edvard í Skorðini Joensen í Sandavági, Eghild Poulsen í Kunoy, Kathrina Lindenskov Holm í Havn, Rakul í Gerðinum í Vestmanna og Ulla Bærentsen í Vági.

Dómprósturin er fastur limur.
 
Atkvøðurnar á teimum báðum valunum verða taldar 25. mars.