Royndarskipan við sálarfrøðiligari hjálp í Suðuroy er farin at virka

Royndarskipanin við sálarfrøðiligari hjálp í Suðuroynni er farin at virka, skrivar Heilsutrygd.

Sálarfrøðingar koma regluliga í Suðuroynna at hava viðtalur við fólk, sum hava fingið ávísing frá kommunulækna.

Skipanin virkar á sama hátt sum aðrastaðni í landinum. 

Talan er bæði um skipanina fyri ung millum 15 og 25 ár, sum kunnu fáa ókeypis sálarfrøðiliga hjálp, og um almennu skipanina, har fólk sjálvi rinda ein part.

Heilsutrygd hevur gjørt avtalu við sálarfrøðingarnar, Onnu Debes Hentze og Thorvald Danielsen, um royndarskipanina í Suðuroynni.

Tá sálarfrøðingarnir eru í Suðuroynni, eru teir á Sjógøtu 23 á Tvøroyri.