Ákæruvaldið krevur Marius Borg Høiby dømdan meira enn sjey ára fongsul

Ákæruvaldið í Noregi krevur, at sonur Mette Marit krúnprinsessu, Marius Borg Høiby, verður dømdur sjey ár og sjey mánaða fongsulsrevsing.

Tað kom fram í dómsviðgerðini hjá ákæranum í rættinum í Oslo í gjár.

Marius Borg Høiby er ákærdur fyri 39 ymisk brot, og hóast hann noktar seg sekan í neyðtøku og  teimum ógvusligastu ákærunum, er eingin náði at hóma frá ákæranum, skrivar NRK.

Sturla Henriksbø

Ákærin hevur seinastu tveir dagarnar gjørt sínar endaviðmerkingar, og tað var, tá tey bóðu rættin døma hann til eina drúgva fongsulsrevsing.

Ákærin segði eisini undir dómsviðgerðini, at Marius Borg Høiby skal ikki fáa linari revsing, tí hann er kendur. 

Nú eru eisini krøv móti Marius Borg Høiby upp á slakar tvær milliónir krónur frá ymiskum kvinnum í málinum.

Málið nærkast endanum, og nú eru bara endaviðmerkingarnar hjá verjunum eftir. Tær verða væntandi lidnar í dag ella í morgin.