Formaðurin í Demokratia harmast

Vit hava fingið soljóðandi viðmerking frá formanninum í Demokratia:

Fyrst vil eg ynskja teimum 10 dugnaligu kvinnunum til lukku við valinum. Men sum formaður í Demokratia, má eg eisini harmast um, at vit ikki megnaðu, at sláa metið á 10 kvinnur, sum nú hevur 15 ár á baki.

Í einum Føroyum, har okkara ungu flyta burt í alt ov stórum tali, og har serliga kvinnurnar ikki venda aftur, er tørvurin átroðkandi á betri kvinnuumboðan. Tá er hugstoytt at staðfesta, at kvinnuumboðanin enn einaferð stendur í stað.

Føroyar eru enn einaferð eftirbátar á javnstøðuøkinum.

Vit eru enn eitt land, ið ongantíð hevur havt so frætt sum ein triðing av kvinnum í Løgtinginum.

Eg fari eisini at minna eina komandi samgongu á at virða javnstøðuna, tá landstýrisfólk skulu veljast.