Viðmerkjari: Lætt at byrja kríggj – torført at enda tað

Amerikanski forsetin Donald Trump tvíheldur um, at kríggið í Iran er liðugt um einar tvær vikur. Men iranski uttanríkisráðharrin, Abbas Araghchi, hevur aðra hugsan.

Hann sigur í samrøðu á Al Jazeera, at Iran er fyrireikað til kríggj í í minsta lagi seks mánaðir.

- Tað sakar okkum ikki, hvørja tíðarfreist fíggindar okkara seta sær. Men vit mæla til, at teir steðga krígnum fullkomiliga og endaligt, áðrenn teir eru fyri størri skaða, sigur Araghchi.

Hann leggur aftrat, at Iran hevur onga tíðarfreist fyri at verja seg sjálvt. 

- Vit verja land okkara og fólk í tann mun, tað er neyðugt, og við øllum neyðugum amboðunum, sigur iranski uttanríkisráðharrin.

Donald Trump hevur boðað frá, at hann fer at koma við týdningarmiklari almennari dagføring klokkan 2 í nátt okkara tíð.

Fyrrverandi ráðgevi í amerikonskum innanríkispolitikki og kongressmálum á donsku sendistovuni í Washington, Mads Dalgaard Madsen, sigur við DR, at Donald Trump enn einaferð roynir at manifestera ein veruleika, at USA er við at vinna kríggið í Iran, men at vit enn einaferð síggja tað, sum aðrir amerikanskir forsetar hava upplivað, at tað er altíð lætt at byrja eitt krígg, men at tað er ikki líka lætt at enda tað, sigur fyrrverandi ráðgevin.