Føroysk skip skuldsett fyri at fiska ov nógvan tosk

Íslendska havstovan hevur havt fólk um borð á føroyskum frystilínuskipum, sigur Havstovan í svari til blaðið Fiskifréttir.

Blaðið hevur tosað við íslendskar línumenn, sum halda uppá, at føroysku línuskipini fiska alt ov nógvan tosk undir Íslandi.

Tá fólk eru um borð á føroyskum skipum verður tað gjørt í samstarvi við íslendsku vaktar- og bjargingartænastuna.

Annars byggir eftirlitið fyri tað mesta á tøl frá skipunum og frá Vørn.

Talgilt

Eisini vera talgildar frágreiðingar um fiskiskapin brúktar.

Tær siga millum annað, hvørji fiskasløg, skipini hava,

Íslendsku fiskimenninir vilja hava, at føroysku línuskipini skulu avreiða í Íslandi, so til ber at síggja, hvat tey fiska.

Men hetta fær havstovan, sum eitur fiskistovan í Íslandi, einki gjørt við, sigur hon.

Hetta er ein politiskur spurningur og ein samráðingaarspurningur millum londini bæði, sigur hon.