Russland ávarar Evropa

Tað er fallið russiska forsetanum, Vladimir Putin, fyri bróstið, at fleiri evropeisk lond fara at veita Ukraina dronur.

- Tað dregur hesi londini beinleiðis inn í kríggið móti Russlandi, sigur russiska verjumálaráðið, sambært statsstýrdu russisku tíðindastovuni Interfax.

Í gjár legðist Norra afturat teimum londum, sum var at veita Ukraina dronur, tá norska stjórnin skrivaði undir eina yvirlýsing, at Norra skal framleiða dronur til Ukraina.

Frammanundan hevur ES økt um sínar íløgur í dronuframleiðslu, umframt at fleiri ES-lond hava gjørt líknandi avtalur við Ukraina.

Norska TV2 skrivar, at norskir serfrøðingar vístu í gjár á, at russisku reaktiónirnar eru kendur retorikkur, sum er ætlaður til at fáa lond at aftra seg at veita stuðul til Ukraina. Serfrøðingarnir siga eisini, at Russland hevur í løtuni ikki førleikar at víðka um kríggið nú.