Frítekst tagging:
- Tíðindi, mentan og ítróttur
Etiska ráðið tekur saman um kjak um virkna deyðshjálp
Etiska ráðið tekur saman um kjak um virkna deyðshjálp
Í fleiri londum í vesturheiminum kann virkin deyðshjálp veitast, undir ávisum treytum, men í Føroyum er virkin deyðshjálp framvegis revsiverd
Bergur Debes Joensen er formaður í Etiska ráðnum.
Mynd: Bjarni Árting Rubeksen
23.04.2026 - 13:44
Eftir almenna ráðstevnu í Runavík um virkna deyðshjálp, fer Etiska ráðið nú at taka saman um kjakið um evnið - og tað kann enda við einum tilmæli um, hvussu Føroyar eiga at viðgera málið frameftir.
Tað segði Bergur Debes Joensen, formaður í Etiska ráðnum, í Breddanum fyrrapartin.
Í fleiri londum í vesturheiminum er virkin deyðshjálp seinastu árini vorðin ein møguleiki, undir ávísum treytum.
Í Føroyum er støðan ein onnur.
Her er virkin deyðshjálp framvegis revsiverd, sambært revsilógini.
Eyðdis Hartmann Niclasen. (Mynd: Bjarni Árting Rubeksen)
Evnið hevur javnan verið á lofti í Føroyum, men almenna kjakið hevur higartil verið avmarkað.
Tí skipaðu Etiska ráðið, Sjúkrarøktaretiska ráðið og Siðfrøðinevndin hjá felagnum Føroyskir Sálarfrøðingar í gjár fyri almennari ráðstevnu í Løkshøll í Runavík um virkna deyðshjálp.
Jákup N. Olsen. (Mynd: Bjarni Árting Rubeksen)
Hoyr innslag í útvarpstíðindinum:
23042026_Deydshjalp
Evnið var eisini viðgjørt í Breddanum fyrrapartin, har nýggja landsstýriskvinnan í heilsumálum, Eyðdis Hartmann Niclasen, og formaðurin í Sjúklingaráðnum, Jákup N. Olsen, skiftu orð um málið.
Er kopiera
Nýggjastu sendingar í ÚV
Nýggjastu sendingar í SV
