Maratonmetið knúst: Sawe fyrsti undir tveir timar

Sabastian Sawe gjørdist í dag fyrsti maðurin, sum hevur runnið maraton upp á minni enn tveir tímar.

Tað gjørdi 30 ára gamli kenyanarin til London Marathon, har hann í frálíkum renniumstøðum rann gitna teinin upp á ein tíma, 59 minuttir og 30 sekund.

Nýggja heimsmetið var meir enn ein minutt skjótari enn gamla metið upp á 2.00.35, sum Kelvin Kiptum setti í 2023. Yomif Kejelcha, sum endaði á 2. plássi í kappingini, kom eisini á mál við eini tíð undir tveimum tímum. 

Tað skal leggjast afturat, at Eliud Kipchoge rann maratonteinin undir tveir tímar í 2019, men hetta var við hjálp av ymsum slag og ikki í kapping, so tí ikki galdandi sum met.

20260426-125007-l-3080x3833ma.jpg

Frítekst tagging: 

Frælsur ítróttur

Tigst Assefa

Eisini nýtt heimsmet hjá kvinnum

Hjá kvinnunum var eisini ferð á. Tigst Assefa úr Etiopia tók sítt egna heimsmet, tá hon kom fyrst á mál hjá kvinnunum í London í dag. 

Hon rann frá Hellen Obiri og Joyciline Jepkosgei úr Kenya og kom á mál við tíðini tveir tímar, 15 minuttir og 41 sekund. Tað eru níggju sekund skjótari enn gamla metið, sum Assefa setti í fjør.

Talan var um heimsmet, har kvinnurnar renna fyri seg.

Til stuttleikar kann nevnast, at Julian Gregersen eigur føroyska maratonmetið hjá monnum, sum er 2.21.30. Klaksvíkingur tók gamla metið hjá Absaloni Hansen í desember í fjør.

Hjá kvinnum er Marna Egholm skjótast við 2.46.37. Metið er frá 2016.