Thor og Hanna vunnu á føroyameistarunum

Ása Bárðardóttir og ryssan Silfá tryggjaðu sær føroyameistaraheitið í fjórðu FM-kappingini í tvíspori, men máttu lúta fyri Thor og Hannu S. Petersen í seinastu kappingini um vikuskiftið.

Munurin var lítil á breytini hjá Vága Ríðingarfelag. Vinnaratíðin var 18,74 og meistararnir komu um mállinjuna við tíðini 18,82, skrivar Ríðisamband Føroya.

Kapping var um FM-silvuri, og tí fóru Sproti og Helena D. Nielsen avstað við við 17 stigum, meðan Bragi og Barbara R. Mouritsen fingu bronsuna við 16 stigum.

Í tvíspori fyri ung gjørdist Kiljan við Simonu Tornby á baki greiður føroyameistari við heili 30 stigum. Á degnum vóru tað tó Stormur og Eyðbjørg Ólavsdóttir sum sera tepurt vunnu á Báruni við Eyðdis H. Djuhuus á baki.