Breddin: Bakkafrost og fútin

Tað var ein feilur, at Heilsufrøðiliga Starvsstovan meldaði Bakkafrost til fútan. 

Tað sigur Christian Andreasen, advokatur hjá Bakkafrosti, um nógv umrødda málið um eina bót uppá 67 milliónir krónur, sum fyrstu ferð gjørdist aktuelt í desember í 2021. 

Umrøðan av málinum byrjaði við, at eitt telefonnotat hjá stjóranum á løgmansskrivstovni gjørdist alment. Eitt telefonnotat, sum vísti, at fútin hevði ringt til løgmansskrivstovuna og gjørt vart við, at Bakkafrost varð meldað, og at útlit vóru til eina bót uppá 67 milliónir krónur.

Michael Boolsen, fúti

Í farnu viku gjørdist málið aftur aktuelt - nú, tí hetta stóra málið, sum var so álvarsligt, at fútin mátti ávara løgmansskrivstovuna, var tódnað niður í einki.

Ein partur var fyrnaður og ein partur kundi ikki prógvast, segði fútin í telefonsamrøðu við útvarpið tann 20. apríl. 

Men hvat snúði hetta málið seg um? Og er tað brot á nakrar reglur, at fútin ringir í Tinganes fortelur, at Bakkafrost er meldað?

Breddin klokkan 10.