Landsstýriskvinnan í heilsumálum: Støðan má takast í álvara

Eyðdis Hartmann Niclasen, landsstýriskvinna í heilsumálum, ætlar ikki at liggja á løtu síðuni, nú Landsverk rópar varskó, tí bygningarnir hjá sjúkrahúsverkinum fara at krevja ábøtur 87 milliónur krónur árliga í 15 ár

"Eg haldi, at hetta er nakað, vit mugu fara at arbeiða við beinavegin, og eisini tað, at vit saman gjøgnumganga støðulýsingina, so mann ikki er í iva um, hvørjar støðurnar eru," staðfestir landsstýriskvinnan. 

87 milliónir krónur um árið er upphæddin, sum Landsverk og sjúkrahúsverkið mæla til verður játta til viðlíkahald, dagføringar og umbyggingar av bygningunum næstu 15 árini.

Fyrsti landsstýrisfundur 2026, Landsstýrið, Beinir Johannesen, myndir: Bjarni Árting Rubeksen

Frítekst tagging: 

Fyrsti landstýrisfundur 2026

myndir: Bjarni Árting Rubeksen

Beinir Johannensen

Bárður á Lakjuni

Nývalda samgongan er í holt við at áseta raðfestingar til fíggjarætlanina fyri komandi ár. Og her fer nýggja landsstýriskvinnan í heilsumálum at gera sítt fyri, at upphæddin til bygningarnar hjá sjúkrahúsverkinum verður raðfest.

Støðulýsingin hjá Landsverki av teimum trimum sjúkrahúsunum vísir, at tað fer at kosta okkurt um eina milliard krónur at dagføra sjúkrahúsini, og góðar 18 milliónir krónur skulu brúkast um árið til at halda sjúkrahúsini við líka næstu 15 árini.