Vágs skúli fekk veðurlagsvirðisløn hjá Lærarafelagnum

Vágs skúli fekk veðurlagsvirðislønina hjá Lærarafelagnum í ár.  

Skúlin arbeiðir við at styrkja fatanina hjá næmingunum um plastdálking og burðardygd.

Hetta verður gjørt við praktiskari, kannandi og skapandi undirvísing við støði í nærumhvørvinum í Vági.

Verkætlanin er tvørfakligt skeið frá januar til juni í lærugreinini handaverk og list í sætta flokki. 

Íblástur hava tey fingið frá eitt nú hentleikum í Fab Lab. 

Tey hava millum annað ruddað øki og fram við sjóvarmálanum í Vági.

Tey hava savnað, flokkað og greinað rusk fyri at kanna plastdálking í nærumhvørvinum.

Elin Tausen og Tina Grønbech hava undirvíst næmingunum.

Hetta er sjeyndu ferð, at veðurlagsvirðislønin er latin.

Virðislønin er 25.000 kr.