Fer ikki til móttøku í nýggjum amerikanskum konsuláti

Grønlendski landsstýrisformaðurin, Jens-Frederik Nielsen, verður ikki hjástaddur, tá nýggja amerikanska konsulátið í Nuuk letur upp í morgin.

Tað sigur hann við Sermitsiaq.

Í sambandi við upplatingina verður stór móttøka.

Landsstýrið hevur sum so ikki tikið nakra avgerð um ikki at fara.

Jens-Frederik Nielsen veit ikki, um onkur í landsstýrinum fer til móttøkuna.

Sambært Sermitsiaq hava nógv teirra, sum eru boðin, svarað nei takk.

Naaja H. Nathanielsen, fólkatingslimur, segði mánadagin, at hon tekur ikki av innbjóðingum frá amerikanska konsulátinum í Grønlandi.