Norðurlendskar matstovur fáa Michelin-stjørnur í dag

Í dag fæst at vita, um føroyska matstovan PAZ hjá Poul Andrias Ziska varðveitir sínar báðar Michelin-stjørnur, sum matstovan fekk í fjør.

Klokkan fimm seinnapartin verður tiltak í Tivoli í Keypmannahavn, har ársins Michelin-stjørnur verða lætnar til matstovur í Norðurlondum.

Sambært Michelin-leiðbeiningini, so verða stjørnurnar lætnar soleiðis:

1 stjørna: Ein serstakliga góð matstova í sínum flokki. 

2 stjørnur: Fantastiskur matur, sum er verdur at koyra ein umveg fyri. 

3 stjørnur: Einastandandi kulinarisk list, sum er verd at ferðast til.