- Tíðindi, mentan og ítróttur
Samráðast við stjórnina um størri uttanríkispolitiskar heimildir
Samráðast við stjórnina um størri uttanríkispolitiskar heimildir
Løgmaður fer nú at kalla flokkarnar saman at fyrireika samráðingargrundarlagið, áðrenn samráðingarnar byrja seinni í ár
Beinir Johannesen, løgmaður.
Mynd: Løgmansskrivstovan
04.06.2026 - 13:23
- Vit skulu tryggja okkum neyðugu uttanríkispolitisku heimildirnar.
Tað sigur Beinir Johannesen, løgmaður, nú landsstýrið væntandi seinni í ár fer til samráðingar við nýggju donsku stjórnina, um at víðka uttanríkispolitisku heimildirnar hjá Føroyum.
Í samgonguskjalinum hjá donsku stjórnini, verður einki nevnt um tjóðarsemjuna, sum fimm av seks flokkum í løgtinginum søgdu seg taka undir við.
Tó stendur, at í altjóða viðurskiftum eigur einki at verða avgjørt um Føroyar uttan um Føroyar.
Nú nýggj stjórn hevur tikið við í Danmark, fyrireikar politiska skipanin í Føroyum seg til samráðingar um størri uttanríkispolitiskar heimildir. (Mynd: Ritzau Scanpix)
Endamálið við samráðingunum er at tryggja Føroyum uttanríkispolitisku heimildirnar, sum tørvur er á. Millum annað skulu heimildirnar gera tað møguligt hjá Føroyum at fáa limaskap í fleiri altjóða felagsskapum - eitt nú í altjóða olympisk nevndini og í handilsfelagsskapum.
Løgmaður fer nú at kalla flokkarnar saman at fyrireika samráðingargrundarlagið, áðrenn farið verður til samráðingar seinni í ár.
Hoyr innslag í útvarpstíðindunum:
04062026_Beinir_og_samradingar
Er kopiera
Nýggjastu sendingar í ÚV
Nýggjastu sendingar í SV
