Óli DM-bronsu í fyrstu royndini

Óli Mittún og GOG eru danskir bronsuvinnarar.

Tað er greitt eftir sigur á Mors-Thy í øðrum bronusdystinum í gjárkvøldið.

Føroyski bakspælarin hevur spælt sera væl seinastu vikurnar, og í gjár var hann serliga í leiklutinum sum uppleggjari.

Hann skeyt tvey mál upp á fýra skotroyndir, men átti næstseinastu hond á ikki færri enn átta málum í 35-29 sigrinum í Thy-høllini. 

GOG vann eisini trygt 38-31 í fyrra dystinum um bronsuna. Tá var Óli Mittún ikki til at steðga við sjey málum og átta uppleggum.

Unga stórtalentið verður alsamt settur í samband við onnur stórfeløg. Seinast fyri kortum, tá týski miðilin Sport Bild vildi vera við, at Magdeburg ætlar at keypa føroyingin næsta summar.

Hetta er fyrsta kappingarárið hjá Óla Mittún í GOG, síðan hann skifti úr H71.

Jóhan fekk silvurið

Jóhan á Plógv Hansen og Skanderborg Aarhus taptu eisini aðru finaluna ímóti favorittunum úr Aalborg. 

Aftur hesaferð var talan um ein javnan dyst, sum ikki varð avgjørdur fyrr enn í síðstu minuttunum. 

Føroyski høgri vongurin mátti aftur bíta í grasið í tvídystinum ímóti Niklasi Landin í Aalborg-málinum. Jóhan á Plógv Hansen skoraði fýra mál, men misnýtti seks ferðir.

Nøkulunda soleiðis var eisini hjá øðrum á SAH-liðnum, og tískil vann Aalborg dystin 35-31 og fór avstað við DM-gullinum.