Iran og USA skriva undir friðaravtaluna fríggjadagin

- Avtalan við Islamiska lýðveldið Iran er nú liðug.

Tað skrivaði amerikanski forsetin, Donald Trump, á egna miðli sínum í gjárkvøldið,  sama dag, sum hann fylti 80 ár.

Forsætisráðharrin í Pakistan, Shehbaz Sharif, váttar eisini, at Iran og USA hava gjørt eina avtalu.

- Báðir partar hava alt fyri eitt lýst varandi enda á hernaðarligum átøkum á øllum hermótum, eisini í Libanon, sigur Sharif.

Reuters endurgevur almenna iranska sjónvarpið fyri at siga, at Iran hevur "noytt USA at góðtaka friðaravtaluna".

Byrjað verður nú við einum 60 daga vápnahvíldartíð, meðan samráðingarnar um varandi friðaravtalu halda fram.

Avtalan verður alment undirskrivað fríggjadagin 19. juni.

Iranskir myndugleikar siga, at Hormuzsundið letur ikki uppaftur, fyrr enn avtalan er undirskrivað.