Ferðsluljós lýsa framvegis ikki: Hava nú bílagt nýggjan eykalut

Ferðsluljósini í miðbýnum í Havn lýsa ljósini framvegis ikki, og tað hava tey ikki gjørt í longri tíð.

Fyrst vóru tað ferðsluljósini í Bøkjarabrekku, sum ikki lýstu, men so var ein lutur tikin úr ferðsluljósunum í Fr. Petersens gøtu, fyri at fáa hini at lýsa.

Men tað hevur rakt ferðsluljósini í Fr. Petersens gøtu, sum ikki hava lýst í meira enn eina viku. 

Fríður Dalsgarð, tekniskur stjóri í Tórshavnar kommunu, segði fyri eini viku síðani, at tað fór at lýsa heilt skjótt, tí at eykalutur varð bílagdur, og so var bara at fáa hann settan í ferðsluljósini.

Men eykaluturin er ikki komin fram, og nú er avgjørt at bíleggja nýggjan eykalut.

Hoyr innslag í útvarpstíðindunum: