Føroyar lata 800.000 krónur í neyðhjálp til Venesuela

Reyði Krossur Føroya og landsstýrið lata í felag 800.000 krónur í neyðhjálp til Venesuela er jarðskjálvtavanlukkuna í síðstu viku.

Reyði Krossur Føroya sigur, at endamálið við stuðlinum er at hjálpa teimum, sum eru harðast rakt av báðum jarðskjálvtunum.

Átakið, sum stuðul verður latin til, fevnir millum annað um lívbjargandi neyðhjálp og hjálp til familjurnar at koma fyri seg aftur, bjargingararbeiði, heilsuhjálp, fyrstuhjálp og sálarligan stuðul, vatn-, reinføris- og heilsutiltøk, og hjálp til familjur, ið hava mist samband við avvarðandi.

Skjálvtarnir hava ávirkað 9,7 mió. fólk

Hildið verður, at umleið 9,7 milliónir fólk eru ávirkað av jarðskjálvtunum. 

Sambært nýggjastu tølunum hava 1.450 fólk latið lív, og 3.150 eru løstað, men hesi tølini vaksa í heilum so hvørt fólk verða funnin aftur í húsaleivdum.

Undirstøðukervið er eisini meint rakt. Fleiri enn 204 bygningar eru rapaðir, 217 bygningar hava fingið stóran skaða, og 300 aðrir hava fingið nakað av skaða.