Macron á vitjan í Sýrialandi

Franski forsetin, Emmanuel Macron, er komin á vitjan í Sýrialandi, skrivar norska kringvarpið.

Hetta er fyrsta vitjanin í Damaskus hjá einum av fremstu ríkisleiðarunum í einum ES-landi, síðani uppreistrarfólk undir leiðslu av Ahmed al-Sharaa, róku Bashar al-Adssad frá valdinum í 2024.

Vitjanin setir eina striku undir geopolitisku broytingina í Sýrialandi undir Ahmed al-Sharaa, sum er fyrrverandi Al Qaida-leiðari. Hann hevur knýtt sambond við í Vesturheiminum og í Miðeystri, sum ikki vildu vita av Bashar al-Assad.

Samstundis, sum hann hevur knýtt bond, roynir Ahmed al-Sharaa at endurbyggja Sýrialand, sum er illa farið av einum kríggi, sum vardi í 13 ár, skrivar Reuters-tíðindastovan.

Á flogvøllinum tók sýriski uttanríkisráðharrin, Asaad al-Shaibani, ímóti Macron.

- Eg eri her fyri at vísa, at Frakland vil hjálpa sýriska fólkinum, skrivaði Macron millum annað á X, beint eftir, at hann var komin til Sýrialands.

Endurbyggingin av landinum stendur ovast á skránni fyri vitjanina. Umframt forsetan eru eisini vinnulívsleiðarar við á ferðini.