Missir nógva fiskitíð

Tað verður ikki fyrr enn seint í heyst, at íslendska uppsjóvarskipið Barði sleppur aftur til fiskiskap.

Tað sigur reiðaríið, sum skrivar um skipið á heimasíðu sínari.

Tá Barði var á veg til Íslands úr Føroyum, har hann var á beding, kom eldur í maskinrúmið.

Hetta var 12. juni.

Brimil sleipaði skipið til Havnar. Og har hevur tað ligið síðani. 

Stórur skaði

Talan er um stóran skaða. Hvussu stórur, hann er, er ikki greitt enn.

Liðugt er ikki at sýna skaðan enn.

Men høvuðsmotorurin fekk ikki so stóran skaða. 

Reiðaríið sigur, at fyrsta umvælingin verður gjørd í Føroyum.

Men ikki er greitt, hvar umvælingin so heldur fram.