Fekk studiotíð í føðingardagsgávu

- Hetta er ein sangur, sum abbi míni Søldarfirði Jákup Olsen skrivaði í fjørutinum, meðan hann lá á sjúkralegu. Hann var faktiskt annars deyðadømdur av tuberklum eini 25 ár frammanundan, tá skrivaði hann eisini ein annan kendan sang, "Hvat var verðin uttan Jesus". Men tann sangurin er so oftani innspældur, so eg hugsaði, at tá eg fekk møguleikan til at syngja ein sang inn í studio, so valdi eg henda sangin, sum eisni hevur nógv at siga í okkara familju, greiðir Ragnar frá.

Tá hann fylti 60 ár, so fekk at studiotíð í upptøkuhølinum hjá Hans Poulsen í føðingardagsgávu frá børnunum.

- Eg bleiv fullkomiliga tikin av bóli, tí tað hevði eg slettis ikki roknað við. Hetta var ikki nakað, sum eg havi droymt um nakrantíð, sigur Ragnar Sundstein.

Men Ragnar fóru í studio og saman við Hans Poulsen fingu teir sangin innspældan.