Grant farin á húsagang - raksturin hevur ikki borið seg í fleiri ár

Fyritøkan Grant, við høvuðssæti í Vatnsoyrum, og sum serliga er kend fyri síni vindeygu og hurðar, er farin á húsagang, og steðgar virkseminum alt fyri eitt.

Per Jacobsen, nevndarformaður, sigur, at raksturin hevur ikki borið seg í nógv ár, og ein samd nevnd gjørdi av ikki at seta meira pening í fyritøkuna, sum sostatt fer á hísagang. 

14 fólk missa arbeiðið, og stjórin, Rúni Vang Poulsen, er eisini sendur til hús.

Við húsaganginum steðgar søguliga virksemið við videygaframleiðslu, sum byrjaði í Vatnsoyrum í 1968. Síðan er fyritøkan vaksin nógv, serliga við samanleggingum við aðrar líknandi fyritøkur.

Tikið skjóta avgerð

Nýggja nevndin hjá Grant tók við í siðstu viku, og hevur tikið eina skjóta avgerð. Men so seint sum í apríl keypti Varðin í Gøtu øll partabrøvini frá øðrum eigarum, og kom tískil at eiga 100 prosent.

Per Jacobsen, nevndarformaður í Grant, hevur eisini fyri stuttum tikið við sum nevndarformaður í P.f. Varðanum.

Hoyr innslag í útvarpstíðindunum: