Nýggja oljufelagið skal lata gassolju til landsins bygningar

Nýggja oljufelagið Smápartafelagið Thomsen skal veita gassolju til landsins bygningar, asfaltverkið og bitumengoymsluna hjá Landsverki.

Talan er um 1,5 milliónir litrar av gassolju um árið, men nøgdirnar fara væntandi at minka, so hvørt lagt verður um til grøna orku. 

Trý tilboð komu, og smápartafelagið Thomsen hevði lægsta boðið.

Landsverk hevur skrivað undir sáttmála við Thomsen, men hann er treytaður av ISO-góðkenning. 

Landsverk sigur, at endamálið við útboðnum er at tryggja, at landið kann fáa sum mest fyri skattgjaldarans pening, umframt at tað eisini verður nýtt sum liður í verkætlanini Orkutøk, sum hava til endamáls bæði at minka um orkutørv og flyta okkum til grønar loysnir av orkutørvinum hjá landsins bygningum.