Politiið: Føroyar eru ikki vardar fyri radikalisering á netinum

Hóast hóttanin um yvirgang í Føroyum er sera lág, so eru Føroyar ikki vardar fyri, at ung kunnu verða radikaliserað á netinum og drigin út í álvarslig lógarbrot.

Tað sigur Kári Jacobsen, leiðari á kanningardeildini hjá Føroya Politi, eftir at tríggir dreingir í Danmark, tveir 16 ára gamlir og ein 15 ára gamal, eru ákærdir fyri at hava ætlað eitt yvirgangsálop á ein skúla í Jútlandi.

Sambært Kára Jacobsen eru ung serliga viðkvom fyri ávirkan, og tí er umráðandi at hava ans fyri, hvørjum umhvørvum tey luttaka í á netinum. Málið í Danmark vísir, hvussu sosialir miðlar og netbólkar kunnu verða brúktir til at eggja ungum til víðgongdar gerðir.

Hann vísir tó á, at hóttanin móti Føroyum sum heild framvegis er sera lág, hóast føroysk ung eisini kunnu ferðast í somu talgildu umhvørvum sum ung aðrastaðni.

Hoyr innslag í tíðindinum á døgurða her: