Barsil við skattafrádrátti

Lærlingar hava rætt til skattafrádrátt, tá teir eru í barnsburðarfarloyvi.

Tað sigur TAKS.

TAKS viðgjørdi í fjør spurningin, hvussu lærlingafrádrátturin skal viðgerast, tá lærlingurin er í 
barnsburðarfarloyvi.

Yrkisdepilin var við í viðgerðini.

Hann segði, at vanliga gera lærupláss og lærlingur avtalu um at leingja lærutíðina, tá lærlingur skal í barnsburðarfarloyvi.

Tá lærutíðin verður longd, hevur lærlingurin sambært TAKS framvegis lærusáttmála.

Tí hevur hann rætt til frádrátt í barsilstíðarskeiðnum.

Kristian Krog Hentze, løgtingsmaður, spurdi Aksel V. Johannesen, landsstýrismann, um lærlingafrádráttin og barsil.

Frádrátturin er 50.000 kr.