Frákoyrdur verjumálaráðharri leggur Zelenskyj undir trýst

Ukrainski forsetin, Volodomyr Zelenskyj, er komin undir trýst sum forseti, eftir at Mykhajlo Fedorov varð koyrdur frá sum verjumálaráðharri.

Mykhajlo Fedorov var sera væl umtóktur sum verjumálaráðharri, og hevur nógv vihaldsfólk. Og hann hevur loyst posabandið, eftir at verða sekkjaður, og er komin við hvøssum atfinningum móti forsetan, Zelenskyj.

Í samrøðu við bretska kringvarpið, BBC, sigur Mykhajlo Federov millum annað, at onkur átti at spurt Zelenskyj um korrupsjón í stjórnini.

Mykhajlo Fedorov

Hann legði tó dent á, at hann ongar ábendingar yvirhøvur hevði um, at forsetin sjálvur skuldi eiga lut í nøkrum korruptum virksemi.

Frákoyrdi verjumálaráðharrin hevur eisini fleiri ferðir heitt á forsetan um at skriva út val, og hetta endurtók hann í samrøðuni við BBC.

Hann heldur, at Zelenskyj, forseti, eigur at skriva út val, sjálvt um tað er kríggj, tí, sum hann málber seg, "fólkaræðið eigur ikki at verða hildið gísli av Putin".