- Tíðindi, mentan og ítróttur
Ætla at byggja heilsumiðstøð á Tvøroyri
Ætla at byggja heilsumiðstøð á Tvøroyri
Kommunurnar í norðaru helvt av Suðuroynni siga, at heilsumiðstøðin kann vera liðug í 2029
Hóast eingin politisk støða er tikin til, hvar nýggja heilsumiðstøðin í Suðuroy skal vera, vísa kommunurnar í norðaru helvt á, at hon skal byggjast á Tvøroyri.
Mynd: Tvøroyrar kommuna
07.09.2026 - 08:16
Tær tríggjar kommunurnar í norðaru helvt av Suðuroynni ætla at byggja heilsumiðstøð á Tvøroyri.
Hon kann vera liðug í øðrum ársfjórðingi 2029.
Landsstýrið hevur ikki avgjørt enn, hvar heilsumiðstøðin í Suðuroynni skal vera.
Heilsu- og orkumálaráðið hevur fyri stuttum fingið svar frá kommununum í Suðuroynni, um heilsumiðstøðin í Vági skal útbyggjast, ella nýggj heilsumiðstøð skal byggjast.
Svarini verða nú viðgjørd.
Tað segði Eyðdis Hartmann Niclasen, landsstýriskvinna, herfyri í svari til Jenis av Rana, løgtingsmann.
Kommunur í sunnaru helvt í Suðuroynni vilja hava eina miðstøð fyri alla oynna.
Og hon skal vera í Vági, siga tær.
Er kopiera
Nýggjastu sendingar í ÚV
Nýggjastu sendingar í SV
