- Tíðindi, mentan og ítróttur
Fara nú at heinta rusk við el-bilum
Fara nú at heinta rusk við el-bilum
1. oktober tekur smápartafelagið Landleiðin yvir ruskinnsavningina í Tórshavnar kommunu við el-riknum ruskbilum
Fyrstu el-riknu ruskbilarnir hjá Landleiðini eru komnir til landið.
Mynd: Bjarni Árting Rubeksen
16.09.2026 - 18:00
1. oktober tekur smápartafelagið Landleiðin yvir ruskinnsavningina í Tórshavnar kommunu við el-riknum ruskbilum.
Teir fyrstu el-riknu ruskbilarnir eru komnir til landið, og hinir koma seinni í mánaðinum. Tilsamans vera sjey el-riknir bilar.
- Hetta er eitt av fyrstu stigunum at flyta tungu ferðsluna hjá kommununi yvir til varandi orku.
Elsa Berg, borgarstjóri, og Jón Thomasen, stjóri í smápartafelagnum Landleiðini ,skrivaðu undir sáttmálan um ruskkoyringina fyri einum lítlum ári síðani. (Mynd: Tórshavnar kommuna)
Tað segði Elsa Berg, borgarstjóri, tá hon skrivaði undir sáttmála við Jón Thomasen, stjóra í felagnum Landleiðini, um ruskinnsavningina í høvuðsstaðnum.
Ein treyt í sáttmálanum er, at ruskbilarnir skulu vera el-riknir.
Tilboðið at reka ruskinnsavningina er 13,6 milliónir krónur árliga.
Sáttmálin er galdandi í 12 ár.
Hoyr innslag í útvarpstíðindunum:
16092026_El-ruskbilar
Er kopiera
Nýggjastu sendingar í ÚV
Nýggjastu sendingar í SV
