Lærarar tjena ov lítið - noyðast at hava tvey størv

Nógvir fólkaskúlalærarar forvinna ov lítið til at kunna arbeiða sum lærarar burturav. Tí noyðast teir at hava annað arbeiði aftrat.

Lærarastarvið átti í sjálvum sær at verið nóg mikið, hvat løn viðvíkur, men tað er tað bara ikki hjá nógvum lærarum. 

Tað sigur Bergur Samuelsen, nevndarlimur í Føroya Lærarafelag, í grein í Skúlablaðnum.

Lønin røkkur ikki

Jacob Eli S. Olsen, formaður í Lærarafelagnum, sigur, at skalt tú svara hvørjum sítt fíggjarliga - serliga í miðstaðarøkinum - røkkur læraralønin ikki. 

Tað ber heldur ikki so væl til hjá einum lærara at hava yvirtíð, tí undirvíst verður bara, tá næmingar eru í skúla. Og skal tú hava eitt starv aftrat, má tað starvið vera aðrastaðni enn í skúlanum, sigur hann.

Summi arbeiðspláss hava greiðar reglur um, at starvsfólk kunnu ikki hava annað arbeiði aftrat. Tað hevur fólkaskúlin ikki.

Hoyr innslag í útvarpstíðindunum: