Venesuela takkar nú USA

Virkandi forsetin í Venesuela, Delcy Rodriguez, takkar USA og sigur við aðalfundin hjá ST, at land hennara nú er farið undir demokratiska tilgongd.

Rodriguez segði á ST-aðalfundinum í gjár, at Venesuela er farið undir demokratiska tilgongd, sum verður skipað løgfrøðiliga. 

Landsins stovnar verða klárir, segði hon og legði afturat, at hon samskiftir eisini við andstøðuna um hetta.

Framman fyri heimsins leiðarum lovaði hon fræls val og segði fara at tryggja, at allar politiskar kreftir eru við. 

Hon lovaði eisini at leiða landið úr óvissu til fult fólkaræði.

- Landsins stovnar verða klárir, segði hon.

Takkaði Trump

Í røðuni takkaði hon amerikanska forsetanum, Donald Trump, fyri, at diplomatisku viðurskiftini millum londini eru komin aftur í rættlag, og hon segði, at orkuavtalan, sum er undirskrivað við USA, fer at hjálpa til at endurreisa orkujavnvágina í heiminum.

Fyrst í januar fóru amerikanskar serdeildir inn í Venesuela, handtóku Nicolas Maduro, forsetan í landinum, og burturfluttu hann til New York, har hann framvegis situr í varðhaldi. 

Delcy Rodriguez var tá varaforseti í landinum, og hon hevur verið virkandi forseti síðani.