Nettoognin uttanlands var góðar 10 milliardir í fjør

Føroyska nettoognin uttanlands var góðar 10 milliardir krónur í 2025.

Ognir uttanlands eru vaksnar góðar 2,3 milliardir krónur, men uttanlandsskuldin er minkað góðar 3,1 milliard krónur.

Nettoognin uttanlands vaks meira enn 5,4 milliardir krónur í 2025, skrivar Hagstovan. 

Uttanlandaskuldin minkaði 3,1 milliard, niður í 39,6 milliardir.

Meira enn helvtin av ogn føroyinga uttanlands er í virðisbrøvum. Tó stavar vøksturin frá størri beinleiðis íløgum.

Allir geirar hava økt um nettoognina.

Nettoognin er munurin millum ogn og skuld. 

Nærum helvtin av uttanlandsskuldini stavar frá íløgum hjá útlendingum í føroysk partabrøv.