Pávin fingið staðfest lungnakrabba

Leo pávi hevur fingið staðfest lungnakrabba, eftir at læknar í gjár tóku ein svull burtur úr høgra lunga. Tað skrivar Reuters.

Amerikanski pávin er 71 ára gamal, og hevur verið pávi síðani mai í fjør. Hann hevur annars havt góða heilsu og er kendur fyri at vera kropsliga virkin, eitt nú spælir hann tennis og svimur. 

Pávin fer eftir ætlan til Suðuramerika 6. november, har hann vitjar Uruguay, Argentina og Peru. 

Enn er ikki greitt, um ætlaða skurðviðgerðin fer at ávirka ferðina.