Savnsbitar á internetið

Verkætlanin snýr seg fyrst og fremst um at talgilda alt tilfari í kringvarpssavninum. Men endamálið er eisini, at fólk skulu sleppa fram at tilfarinum, Savnsgull fór í dag undir at leggja gomul útvarpsbrot út á facebooksíðuna, sum tinglimir hava valt.

Fyrstu seks brotini, sum tinglimirnir hava valt út, verða løgd út á facebooksíðuna hjá Savnsgulli, komandi dagarnar. 

Hareftir verður eitt brot lagt út um vikuna. 

Útvarpssendingin hjá Kringvarpinum Góðan Morgun Føroyar fer í vetur at fylgja arbeiðnum hjá Savnsgulli, og viðgerða forkunnugar søgur, sum koma undan kavi, tá gomlu skjølini og bondini verða talgildað.