KÍ-spælari kann fáa leikbann

FSF fer í kvøld at gera av, um verjuspælarin hjá KÍ, Mayowa Alli, skal hava leikbann fyri tilburðin, sum sæst í sjónbandabrotinum.

Myndirnar benda á, at hann slær HB-spælaran, Ara Mohr Olsen, sum tykist at øsa Mayowa Alli við at halda í troyggjuni hjá honum.

Formaðurin í kappingarnevndini hjá FSF, Róin Schrøter, sigur við in.fo, at støða verður tikin til málið í dag.

KÍ skal komandi sunnudag spæla á heimavølli ímóti TB.

Sjónbandabrotið er frá dystinum millum HB og KÍ, sum Kringvarpið stroymdi beinleiðis. Myndamaður: Hans Erik Danielsen.