Eftirspurningurin eftir tara veksur

Tey hava við einum royndarloyvi sett taralínur í Funningsfirði í nøkur ár. Og nú - heldur hann sjálvur - fer spakuliga at líkjast.

Fyritøkan hevur annars fyri ein stóran part liva av granskingarstuðli higartil, men málið er at fáa rakstur í virksemið og at skapa eina nýggja útflutningsvinnu.

Á framleiðsluvirkinum í Kaldbak fara tey at viðgera sløk 200 tons av tara í ár.

Eftirspurningurin veksur

Í Evropa og USA veksur áhugin og eftirspurningurin eftir tara, tí tari kann brúkast til so nógv. Sum heilsugóður matur. Djórafóður. Og so ber til at framleiða umhvørvisvinaligar vørur burturúr tara - tildømis súgvirør.

Í næstum verða fimm vinnulig taraloyvi latin. Sjálvur eigur Ólavur Gregersen seks av teimum níggju umsóknunum, sum komu inn.