Fyrimyndin 2020: Per vil hava øll við

Fyrimyndin 2020: Per vil hava øll við
Per Mikkelsen venur minst seks ungdómslið hjá Skála, og hann gongur upp í tað við lív og sál. - Per hevur pláss fyri øllum, siga tey, sum kenna hann
01.02.2021 - 20:53

Tað byrjaði við børnunum, sum hjá so nógvum øðrum. 

Fótbóltsáhugin hjá børnunum flutti Per Mikkelsen úr reyða og hvíta hondbóltsumhvørvinum hjá StÍF og yvir á fótbóltsvøllin undir Mýruhjalla, har appelsinguli liturin var sjónskastur.

Hetta var fyri 10 árum síðani.

 - Eg byrjaði at venja dreingin tá, og hann er nú vaksin og flogin. Nú havi eg ein drong eftir, og hann komi eg at venja í ár, sigur Per, sum er í uppskoti til at vinna heiðurin sum ítróttafyrimyndin 2020 hjá ÍSF.

Ungdómsfótbólturin dregur

Per Mikkelsen hevur sitið nógv í nevndini hjá Skála - onkuntíð hevur hann verið næstformaður, í løtuni er hann nevndarlimur - men sum frá leið varð ungdómsfótbólturin fremstur í huga.

Og tað fegnast Skála Ítróttarfelag um.

 - Hann gevur, hann er til staðar og tú kanst rokna við honum. Hann er samstarvssinnaður og hjálpsamur og fær tingini at ganga. Hann fær alt at glíða, sigur Arni Klein Abrahamsen, samskipari hjá Skála.

Foreldrini fegnast

Børn og ung trívast í Skálablusuni. Tað bera úrslitini farna árið boð um. Millum annað vann U15-gentuliðið steypakappingina, meðan U18-genturnar gjørdust greipuvinnarar.

Foreldrini gleðast eisini um venjaran hjá børnum teirra.
 
 - Teir førleikarnir, sum genturnar fáa, teir síggja vit. Tær eru øgiliga væl fyri tekniskt, sigur Tóra Joensen, sum eigur eina, sum spælir á U15-liðnum. 

 - Men so er tað eisini eginleikarnir. Ágrýtni, áhaldni, ídni, sum hann vísir, taka tær til sín, og tað hava tær jú brúk fyri í øllum lívsins viðurskiftum.
 

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585