Hondbóltur: Framtíðin er svørt

H71 var í 14 av 18 steypafinalum. Dugnaligir ungdómsvenjarar og samanhaldið er lykilin til góðu gongdina hjá H71, sum tó hevur ávísar avbjóðingar

0 seconds of 0 secondsVolume 90%

00:00

Símun Christian Olsen

22.02.2021 - 12:24

Hondbólturin í Hoyvík hevur tað gott.

Tað kom til sjóndar, tá steypafinalurnar vóru spældar í høllini á Hálsi í Havn um vikuskifti.

H71 átti ikki færri enn 14 lið í teimum tilsamans 18 finalunum, sum vórðu spældar. Hóast leisturin í sjálvari kappingarskipanini gevur hoyvíkingum ein fyrimun, er talið av finalistum ein greið ábending um, at H71 er eitt felag, sum ger okkurt rætt.

- Vit hava helst ein leist, sum riggar. Vit leggja okkum eftir, at teir eldru leikararnir skulu venja og hjálpa til hjá teimum yngru, sigur forkvinnan hjá H71, Anna Dam.

- Vit vilja hava góðar venjarar til børn og ung, og vit hugsa, at teir bestu venjararnir skulu venja yngstu liðini.