Seldu lutaseðlar fyri at fíggja badmintonhøllina

Í hesum døgum eru 40 ár síðan, at Badmintonsamband Føroya varð innlimað í Ítróttarsambandið.

Poul Michelsen  og Bent á Lava taldust millum undangongumenninar, tá fólk byrjaðu at spæla badminton í Føroyum.

Fyrstu nógvu árini varð spælt í fimleikarhøllum í Havn, men tær vóru lágar, og tí var tað stórt frambrot, tá ítróttarhøllin á Hálsi varð bygd.

 - Tað var ein øgiligur munur. Vit vóru fimm feløg, sum áttu høllina. Tað vóru Neistin, Kyndil, HB, B36 og Havnar Badmintonfelag, sigur Poul Michelsen, sum vann fyrsta føroyska FM-heitið í badminton sum 22 ára gamal.

 - Vit fingu so ein fimting av tímunum, og tað var ein øgiliga stórur munur og eitt gjøgnumbrot at fáa loyvi til at spæla við hædd og øllum.

Inn á Skálafjørðin at selja lutaseðlar

Í áttatiárunum var stig tikið til at byggja badmintonhøll omaná gamla uttandura svimjihylin í Gundadali, men ikki so lítið av fígging skuldu fáast til vega.

Bent á Lava og onnur seldu millum annað lutaseðlar, og eisini varð selt inni á Skálafjørðinum. 

Serliga minniligir vóru sølutúrar á Toftum og á Strondum, har øll ikki vóru altráð eftir at stuðla eini badmintonhøll í Havn.

Hoyr Bent á Lava greiða frá í innslagnum.