Koppseta við fullari ferð

Ferð er komin á koppsetingina. Vikuligu prikini hava ligið um tey 1.000. Men hesa vikuna hava 2.300 fólk fingið antin fyrra ella seinna prikið, og tað er met. 

Og gongst sum ætlað, verða í minsta lagi eins nógv koppsett í næstu viku, tá meira enn 5.000 skamtar koma við flogfarinum.

Telja vit allar vikurnar saman, so hava umleið 9.400 fólk fingið fyrra prikið higartil, og umleið 4.800 fingið ta seinna og harvið eru liðugt koppsett.

Vit hava fylgt trimum fólkum, sum týsdagin fingu fyrra prikið.

Filmað: Ólavur Wolles og Kenneth Jørgensen.